Grüezi mitenand, liebi Gäst vo eusere Abigunterhaltig

Quäled Sie sich au jede Tag mit Frage wie:
Woher – wenn nöd us em Supermärtregal – chunnt eigentlich d Milch? Oder wieso isch en Fendt besser als en John Deere? Oder wieso isch en Gmüesler eigentlich gar kein richtige Buur? Oder wieso trennt sich d Spreu vom Weize? Oder wieso wird de Spargel nöd vomene Lauch gstochä? Oder wänn regnets eigentlich endlich wieder emal? Oder wänn hört’s endlich wieder emal uf z regne? Oder wänd Sie eifach nume wüsse, warum Buure eigentlich immer öppis zum Jammerä händ?

Frage über Frage … Mir versueched Ihne zumindest uf es paar devo e Antwort z geh. Denn mir laded Sie herzlich uf üsen Buurehof i Sulz ii (MZH Hofacker). Üsi offeni Schüür staht für alli Gäst wiit offe und bütet alles, was es für en gmütliche Abig bruucht: Feins us de Hofchuchi, öppis zum Lösche und natürlich allerhand tolli Darbütige. Und mit es bitzeli Glück ergatteret Sie sich sogar no eine vo de wenige, heiss begehrte Buurekaländer.

Unter folgende Links hend Sie dMöglichkeit im Vorverchauf bereits es Ticket zergattere. De Vorverchauf startet am Sunntag 18. Oktober 12.00 Uhr und schlüsst am Mittwuch 24. Oktober 23.59 Uhr: